想起前日番工
見到joanne, mandy, agnes同kristy佢地
佢地咁岩食完野
經過門口搵我

見到好耐冇見既朋友
係我沉悶既工作裹帶比我一點驚喜
真係好開心
我都想快d搵人gathering下
因為我真係好悶
日日唔係番學就番工
生活真係好乏味

仲有就係屯門意粉屋做到呢個月29號
要搬去以前扒王果度
佢又要裝修
我係度諗緊仲做唔做好
但係又唔捨得
點算好呢????

今朝番去補costing
係城隧見到佢....

佢係度摷緊野食 lor
晨咁早就要食野
真係勁,見住佢乜都擺落個口度
仲唔驚人

上完英文堂同mandy佢地去捐血
得我第一次捐lor
佢地個個之前都捐過
勁快就捐完
我搞左9分幾鍾先捐完
之前聽人講話好痛
都唔痛既
其實我尋日訓得果4粒鐘
而且冇食lunch就咁去捐
真係未死過

詐肚痛唔番學

其實由尋晚開始個肚痛痛地
我又冇乜點理
今朝一食完野搭車就出事
塞車次餘突然肚痛
痛到我瘌咁濟
又冇得去廁所
唯有係咁搣痛自己
忍到我塊面又熱又凍
可惜我冇鏡睇下自己咩樣
我諗實嚇死人
之後學都冇番就走去睇醫生
哈哈
不過都係自己拎黎賤
唔舒服仲係咁食生冷野冇時停
而家真係抵死

最近番工真係不知所謂
一放完假個人就痴晒線
人又累
做野痴痴呆呆
都唔知自己想點
編更期寫左任編
點知要番成50個鐘
係番得最多既一個
仲要放得一日假(星期一)
想做死人咩
我真係好累
好想射波

公司就黎執苙
遲下唔知搵咩做好
其實我都想去360度做
點算好?

我姐姐番左兩日鄉下
今晚番出黎
手信就冇
批評就多纙纙
我好憎我老豆老母成鬼係人地面前討論我
仲要數我不是
不過講真
我有時都會覺得自己對朋友好過對屋企人
我都唔識講
因為我講野成日語無倫次
同埋我唔了解自己
我成日諗好多野
不過諗完就好快唔記得晒

NICE!!!!
好好聽呀

今日激嬲左個經理
黎緊有排死lu
下星期d更好正囉
日日番得果幾粒鐘
得罪佢真係冇好下場

仲有食飯果陣唔小心跣左部電話落地
電話+電池+電池蓋飛甩晒出黎
d同事見到o晒嘴
真係好正
次次用親電話冇一次唔跌爛
不過今次好彩冇跌花到